Suba ia ki lehnoh, dei pynban ki nongsiat mrad rBa siat ia ka ophis u VC ka NEHU

Shillong, 22 Iaiong:
Ha ka miet sngi saitjain ka la don ka jingsiat kuli ia ka ophis u Pro Vice chancellor ka NEHU, kaba don ha Tura bad katei ka jingjia ka la pynkyndeh mynsiem ia kiba bun ba lang khamtam ki bor pyniaid jong katei ka skulbah, naba ki la suba jur ba ka lah ban dei ka kam bal eh da ki kynhun seng lehnoh ha ri Lum Garo.
Pynban ha ka sng hat majai ki pulit ka West Garo Hills ki la ioh kem ar ngut ki briew kiba la suba ba ki dei kiba la leh ia katei ka kam, kitei ki ar ngut kiba la shah kem ki dei kiba la tip kyrteng kum u Slayer  Ch Marak (31 snem ) bad u Markut A Sangma (26 snem), baroh ar ngut ki dei na ka shnong Chasingre.
Haba la tohkit ki pulit ki la lap ba kitei ki ar ngut ki dei tang ki nongbeh mrad , bad ki la phla ha ki pulit ba ki la leit ban siat ia uwei u mrad heh uba don hapoh ka jaka ka NEHU ha Tura, hynrei haba ki la siat u kuli u la her pynban sha ka ophis u VC ka NEHU. Ki pulit ki la kurup ia ki suloi tynsah jong ki, bad kumjuh 5 tylli ki kuli bym pat pyndonkam.