“Ba bha Um, boon Um” ong ka Brahmaputra, bitar ka HYC

Shillong, 22 Iaiong:
Ka Hynniewtrep Youth Council (HYC), Nongthymmai Circle ha ka 21 tarik mynta u bnai ka la leit ban pyndam ia ka jingthoh kaba la wah da ka Ministry of Resources Brahmaputra Board kaba don ha Dhan kheti, Shillong. Ha katei ka jingthoh la pyrshang ban thoh ha ka ktien Khasi ban pyni ba ka um hangtei ka bha bad ka pahuh, hynrei la thoh pat ha ka ktien Khasi ba ju kren ki dkhar ‘Babha um, Boon um’.
Halor katei ka jingthoh ka HYC Nongthymmai hapoh ka jingialam u President u Bryanmazer Dkhar ka la ong ba kane ka dei ka jingkhein dewthala ia ka ktien Khasi bad ka la maham jur ba nangne shakhmat kino kino ki jingthoh kiba wah bad kiba thoh ha ka ktien Khasi ki dei ban long ki jingthoh kiba kit jingmut bad ba don nongrim, katei ka seng ka la pynkynmaw ba lada ka ktien ka im, ka jaitbynriew ruh ka im.