55% poi ki nongtrei sorkar ha EKH

Shillong, 22 Iaiong:
Ka pakhang shnong ba 12 kynta ka HNLC kab ala sdang naduh ka por 5 baje mynstep haduh ka por 5 baje janmiet ka la iaid suk jai ha baroh kawei ka ri Khasi Jaintia ha kaba ym shym la don kano kano ka jingjia ba sngewsih. Baroh ki dukan ki la khang ha katei ka pakhang shnong khamtam ha ki jaka pdeng ba longiew. Nalor ki kali sorkar kiba la iaid mynta ka snig baroh shisngi, la iohi rub a ki don katto katne ki kali kamai kiba kamai ha ki katto katne ki bynta jong ka sor Shillong ha kitei ki kynta pakhang shnong.
Ka khubor na ka sorkar ka la kam ba ka jingpoi trei ki nongtrei mynta ka sngi haduh ka por 3:30 baje janmiet ka la kot sha ka 89%, ha ki Administrative bad Head Department bad ia kane la pyntip da u Personnel & AR Cell Department. Katba u Deputy Commissioner ka East Khasi Hills u Sanjay Goyal u la ong ba ka jingwan poi trei ki nongtrei ha ki tnad sorkar ka duna bha, ha kaba ka poi tang kumba 55 haduh 60% , u la pyntip ba ym shym la don kano kano ka jingjia sngewsish ha baroh kawei ka district haduh ba thoh ia kane ka khubor.
Katba ka DC ka South West Khasi Hills ka kong Ripnar Lyngdoh ,ka la pyntip ba ka jingwan poi ki nongtrei sorkar ha katei ka distrik ki long haduh 93% , kat kum ka jingiathuh jong ka ka la ong ba ki dukan kip lie bad ki kali ruh ki iaid ki ieng ha ki kynta jong ka pakhang shnong. Ka jingwan poi ki nongtrei ha West Jaintia Hills ka kot sha ka 89%, East Jaintia hills 62% bad ha Ri-Bhoi ka long 70%.