Ioh VC thymmai ka NEHU, un bat haduh ba un da dap 70 snem ka rta

Shillong: Ka North Eastern Hills University (NEHU), ka ioh ia U Vice Chancellor ba thymmai jongka bad utei u dei U Professor Prabha Shankar Shukla, uba dei U Professor ka GB Pant University of Agriculture and Technology, Pantnagar, Uttarakhand.

Ka hukum, ba la pynmih da ka sorkar India, mynta ka sngi, ba la soi da U Vijay Kumar, Under Secretary ka sorkar India, jong ka tnat pule puthi, ka pyni, ba U President ka Ri, ula mynjur ban aiti ia U Shukla, ba un bat ia katei ka kam, na ka bynta san snem kynthih, tad haduh ba un da dap 70 snem pura, ka rta jongu.