Nang kiew stet ka khlam covid, 558 ngut kiba ioh pang mynta ka sngi; kiew kiba iap sha ka 1,009ngut ha ka jylla

Shillong: Ka jingpang khlam covid, ka la nang kiew stet ha ka jylla, ha kaba mynta ka sngi, ki don 558ngut kiba ioh pang thymmai, nangta kiba iap ruh ki kiew bha mynta ka sngi, ha kaba ki poi sha ka 21ngut.

Ka East Khasi hills, ka kiew bha, kiba ioh pang bad ki poi sha ka 213ngut mynta ka sngi, nangta sa ka West Jaintia hills, ka wan ba ar, ha kaba ki don 115ngut kiba ioh pang.

Baroh kiba ioh pang, ki la poi mynta sha ka 59,904 ngut ha ka jylla bad kiba dang don ha ka jingpang, ki long 4,539 ngut bad kiba iap, ki la poi baroh sha ka 1,009ngut.