Shillong: U Bah Banteidor Lyngdoh, Minister, Sports & Youth Affairs, jylla Meghalaya u la shong da ka cycle na Meghalaya Main Secretariat ha ryngkat u Bah John F Kharshiing, Working President, bad General Secretary, Shri. Chiranjib Choudhury MSOA bad ki dkhot nongkit kam ka Meghalaya State Cycle Association, ban plie ia u selfie stand ba la pynkhreh da ka Meghalaya State Olympic Association, ha Khyndai Lad circle (Police Bazar) por 2pm ha ka 22nd July 2021 kum shibynta ban ia snoh kti lang bad ka Ri India ha kaban ai mynsyiem ia ki nongialehkai India ha ka Tokyo Olympics 2020 kaban sdang lashai ka sngi ha Japan. Ha katei ka jingplie la don lang i Kong W.A.M Booth, MSC, Director, Department Sports & Youth Affairs, bad ki officers na ka tnad DSYA.
Hadien kane la don ka jingplie ia u selfie stand hapoh JN Stadium ha kaba u Minister Sports, u la plie ia lai tylli ki selfie stand kiba la pynkhreh da ka tnad Department of Sports and Youth Affairs, la don ruh ka jingai khusnam ia ki nongjop ia ka quiz.
Ka jingthmu jong katei ka jingpynkhreh ia ki selfie stand da ka Meghalaya State Olympic Association bad ka Departments of Sports & Youth Affairs ka long ba ailad ia ki samla, ki nongkilan met, ki paidbah ka jylla Meghalaya ban ia snoh kti ban ai mynsiem ia ki nongialeh ka Ri India da kaba shon ka dur ” I #Cheer4India” na ka bynta ki 127 ngut ki indian olympic athletes kiban ia khun ha ki 18 tylli ki jingialehkai, kum shibynta ban pynpaw ka jingkyrshan ia ka @WeAreTeamIndia lyngba kitei ki dur ba shim ha kitei ki selfie stand.
Ka MSOA ka la pynbna ruh ia ka khusnam lottery ha kaba kin don lai ngut ki nongjop bad la kyppad ia ki samla ki paidbah ban phah ia ka dur ba la shim ha kitei ki selfie stand ha ne shwa ka 7 tarik August 2021 sha ka whatsapp mobile number 7005304227. Kitei ki selfie stand ki don naduh 9 baje mynstep haduh 6 baje janmiet ha khyndai lad naduh ka 22 tarik July 2021 haduh ka 8 tarik August 2021.
Phi don ban ong eiei?