Nongpoh: Ka District Magistrate, Ri Bhoi District, ka la pynjari da ka kyndon 144 CrPC kaba long kum ka hukum ban khang pyrshah ban pynher ia kino kino ki kynja jingpynher ha jrong Suin, kiba dei kum ki Drone ne kiwei pat ki jait jingpynher ha siun, kiba la tip ha ka kyntien nongwei kum kita ki Remotely Piloted Aircraft (RPA) ne ki Unmanned Aerial Vehicle (UAV), ha ki bynta ba hajan bad kiba dang don hapoh ka 3 KM bad ka Shillong Airport ha Umroi, Ri Bhoi.
La pynjari ia katei ka kyndon bad ba la khang pyrshah ban pynher Drone, ka dei hadien ba la ioh ka jingujor, namar ki don ki briew kiba la pynher Drone shajrong Suin bad kaba la ktah pat Air Traffic Controller, ka tnat kaba peit ia ka iaid beit ki Liengsuin.
Kiba leh pyrshah hadien katei ka jingmaham, kin sa ngat ha ka jingshah pynshitom katkum ka Indian Penal Code, Aircraft Act 1934, Aircraft Rules 1937 ne da kiwei pat ki kyndon Ain.
Phi don ban ong eiei?