Ka jingleit U Bezos, sha ka haw haw, ka shongdor 550 million dollar shi minit

U heh spah tam jong ka pyrthei, U Jeff Bezos, u iathuh ba ka jingleit jongu sha ka haw haw, ka long kaba sngew shngiam haduh katta katta bad ka dei ruh kawei na ki jingthmu jongu, ban thaw ia ki karkhana kiba heh shatei sha suin bneng bad ban iada na ka jing shah pynjulor jur jong ka pyrthei.

Katei ka jingleit, kaba shim por shiphew minit, ka shongdor $5.5billion na ka bynta katei ka jingleit, lane kaba long $550million shi minit. U Bezos, ula hiar shuki noh, mynta u snem, kum u khlieh duh ka Amazon, ha kaba u iathuh ba un pynlut por noh nangne shakhmat, ha kaba pynkhreh ia ki projek bapher jong ka Blue Origin bad nangta sa kiwei pat ki kam ban pyn itynnad ia ka mariang, ong ka khubor jong ka The Daily Mail.

U Bezos, u her sha ka haw haw, ha ka jingjngai kaba 66 mer bad katei ka tam, da 13 mer, na kaba u leit her U Richard Branson jong ka Virgin Galactic.

U Bezos, u kam ba haduh mynta, ula dep die ia ki tiket, kiba shongdor $100million, na ka bynta kito kiba kwah ban leit kai sha ka haw haw bad la iathuh ba ka Blue Origin, kan leit kiew biang sha suin, sa ar sien mynta u snem, ha kaba u roket, un dei u juh, tangba ki mashin kiba kit ia u roket, kin dei da kiwei pat.