Lada ki BSF kim lah ban khang ia ka jingshalan tuh, ka pheil ka BJP, ong u heh ka HYC

Shillong:U nongialam ka HYC u bah Robertjune Kharjahrin, u la pynpaw ia ka jingbym sngew iahap ia ka jingkam jong u President ka BJP u bah Ernest Mawrie ba ka ain ba la wanrah da ka sorkar Assam kan khanglad ia ka jingkhaii tuh ia ki masi sha Bangladesh, da ka ba ong ba ban lait na ka jingshalan ia ki masi sha Bangladesh dei ban pynbun ia ka jingpahara jong ki BSF.

Ha ba kren bad ki lad pathai khubor u bah Kharjahrin, u la ong ba kum ba long mynta ki nongpahara ia ki jaka khappud ki dei ki Border Security Forces (BSF), kaba dei ka kynhun shipai, kaba khlieh da u nongialam ka BJP u Amit Shah bad lada ka BSF ka pheil ban kem ia kane ka jingshalan beain ia ki Masi sha Bangladesh ka dei ka jing pheil ka BJP nyngkong duh.

U la ong ba ka sorkar India ka siew shibun ka pisa sha ki BSF ban pahara ia ki jaka ha khappud bad halor ba kim ju lah ban kem ia ki briew ba rung tuh sha ka jylla Meghalaya kin ju ioh ruh ban kem ia kum kane ka jingkhaii beain ia ki masi sha Bangladesh.

“Na ka liang ka Seng ka pyrshah jur ia ka jingkhaii beain ia ki masi sha Bangladesh bad ban ong ba kane ka bill kan ym khang ia ka jingkhaii ia ki masi sha Bangladesh, hynrei ka la dei ban pynbun da ki BSF ban pahara ban lah ban teh lakam ia kum kine ki kam beain.Ban pahara ia ki jaka ba ha khappud ka dei ka kamram jong ka Union Goverment “u la bynrap.