KI BNIAT

Kong Linda Kongwang

KI BNIAT :- Ki jingmlien kiba sniew kiba ktah iaki bniat. Ka jingpynkylla haki rukom bam kiba lah ban ai jingiada naka jingshahktah ki bniat.

Baroh ki briew ki tip ba ka jingshut bniat arsien ha ka shisngi ka dei kaba donkam tam na ka bynta ban weng iaki jingshitom bad ki khñiang jingpang bad ban ioh iaki bniat kiba khuid bad ba long koit long khiah. Hynrei lada phi shim ba tang ka jingshut bniat ka la biang na ka bynta ka jingkoit jingkhiah jong ki bniat jong phi ka dei, ka jingpyrkhat kaba bakla. Phi donkam ban sumar iaka koit ka khiah jong ka shyntur ruh ban lait na ka jingpang kiba ktah ia ki bniat. Lada phim lah ban sumar iaka shyntur, ki bniat jongphi ki lah ban shitom barabor na ki jingeh kum ka jingat ki dohbniat, ki jingtlot, ka jingjngem, ka jingshroin ki bniat, ka jingbam khñiang bad kiwei2 de. Ka jinglehkhuid ia ka shyntur ka dei u shabi haka ba pynlong ia ki bniat kiba koit ba khiah. Ka jing shut bha ia ki bniat, ka jingtyrsuh pynkhuid, ka jingpynkhuid bha ia u thylliej, kan pynthikna ban ioh ki bniat kiba longkoit longkhiah.
Ki don katto katne ki jingmlien kiba sniew kiba lah ban ktah iaka koit ka khiah jong ki bniat. Lada phi kiar na ka koit ka khiah jong ki bniat jongphi, phi lah ban mad shibun ki jingeh kum ki jingpang bniat bad bamkhñiang ki bniat kiba lah ban buh jingeh shirta jingim ia phi. Hynrei ka rukom jied ban pynkylla iaka rukom bam ruh kiba phi ju bam ka lah ban ai ia ki nutrients kiba donkam na ka bynta ki bniat ban pynlong iaki kiba koit ba khiah bad ki ba khlain.

Harum ki katto katne ki jingmlien kiba sniew kiba ktah iaka koit ka khiah jongki bniat jongphi.

1. KA JINGPYNDONKAM DAKI BRUT SHUTBNIAT KIBA EH :—- Ki brut shutbniat jong phi ki shim iaka bynta ba kongsan halor ka koit ka khiah jong ki bniat jong phi. Lada phi pyndonkam da ki brut shut bniat kiba eh, kane ka lah ban pyntlor noh bad pynshroin ia ki bniat jong phi kaba lah ban wallam ka jingbam khñiang, pei thliew bad mih snam ha ki bniat jongphi. Jied da ki brut shutbniat kiba jem ban shubniat bad kynmaw ban kylliang iaki brut shutbniat jongphi man la ka por.
2. KA JINGKIAR BAN SHUT BNIAT SHUWA KA POR THIAH:— Bun ki briew ki kham jaituh ban shut ia ki bniat jong ki ha shwa ban leit thiah bad kane ka lah ban ktah shibun halor ka koit ka khiah jong ki bniat. Wad ym jaituh, pynmlien ban shut iaki bniat ar sien shisngi kata manstep mar ia khie thia bad shwa ban leit thiah na ka bynta ban pynneh iaka jingkoit jingkhiah jong ki bniat baroh shi jingim.
3. KA JINGKIAR BAN PYNKHUID IAKI KHAPBNIAT :— Kham bun na ngi, ngi ju pyrkhat ba ka jingpynmlien ban shut bniat ar sien haka shisngi ka la biang na ka bynta ka jingkoit jingkhiah jong ki bniat hynrei ngi klet pat ba ki brut shut bniat kim lah rung sha ki khap bniat na ka bynta ka jingkhuid ki khapbniat. Kumta kalong ka ba donkam ban pynkhuid bha iaki khapbniat ban lait na ka jingsahkut ki phlia jakhlia ha ki bynta lait thliew jong ki bniat.
4. KA JINGMLIEN BAN DIH SIKRET:— Kane ka dei ka jingmlien kaba sniew tam kaba ktah ia bun ki dkhotmet. Ka jingdih sikret ka ktah shibun ymtang iaki dkhotmet jong phi hynrei ka kyntiew ruh iaka jingma halor ka jingshahktah ki bniat jongphi kaba lah ban pyntlor bad ktahjur iaki shynrong bniat jongphi. Ka jingkyrni ban dih iaki ka wallam ka jingsma shyntur, pyntyrkhong ia ka shyntur bad ka lah ban buh jingma halor ka jingngat ha ka jingpang bampong ha ka shyntur. Kumta ka long kaba donkam ban shim iaki sienjam kiba phi lah ban iehnoh shi syndon ka jingdih duma ne sikret.

Katto katne ka jingjied ban pynkylla ha ka rukom bam kiba lah ban ai jingiada ia ka koit ka khiah jong ki bniat.

1.KA UMSYAID:- Ka um ka dei kaba donkam bha iaka met hynrei ban dih iaka khlem da shet pynthnam ka lah ban pynrung bun ki khniang jingpang hapoh shyntur bad ka met hi baroh kawei . Ka jingpynmlien ban dih bad ban kynruh shyntur da ka um syaid ka lah ban iarap pynkhuid iaka shyntur bad kane ka iarap ban pyllait na ka jingsuh bad shroin noh ki bniat.
2.KI JINGBAM KIBA NAKA DUD:- Ki jingbam kiba naka dud kidei kiba bun ka Vitamin D bad calcium bad ki dei kiba ai jingmyntoi shibun naka bynta ka koit ka khiah jong ki bniat.Ki jingbam kiba naka dud ki long kum ka dud ,ka doi , ka cheese bad ka makhon kidei kiba iarap halor ka jinglah ban pynskhem iaki dohbniat bad pynkhlain ia ki bniat.
3.KI SOH KIBA BUN KA VITAMIN C:- Ki soh kum ki sohjew, strawberries, soh balensha, sohñiamtra bad kiwei kiwei kidei kiba riewspah ha ka jingdon ka Vitamin C. Ban bam ia kine ki soh kiba bun ka Vitamin C ki lah ban ai jingmyntoi na ka bynta ka koit ka khiah jong ki bniat.

4.KA PYLLENG :–Ka pylleng ka dei kaba riewspah ha ka jingdon ka protein, ka vitamin D bad Calcium. Kumta ka long kaba donkam ban kynthup ia ka pylleng ha ki jingbam ba man laka sngi jong phi namar ka dei kaba lah ban ai jingmyntoi ha ka ba pynkhlain bad pynskhem iaki bniat bad ki doh bniat.
Khublei.