Bym lah tei dep, ka kompeni barim, soi soskular bad ka Maxim, ban tei ia ka Marriot Hotel ha Jail Road

Shillong:Ha ka jingialang jong ki kynhun myntri, kaba la long myn hynnin ka sngi la shim ia ka rai ban ia soi ia ka soskular ka ba thymmai na ka bynta 30 snem bad ka komponei Maxim Infrastructure and real Estate Private Limited, Guwahati Shillong ban shna bad pyniaid ia ka Marriot Hotel ha Jailroad.

U Myntri rangbah u Conrad K Sangma, u la iathuh ba ia kane ka jaka yn shna ha jaka ba don ka ophis jong ka Municipal board bad ia ka Ophis jong ka Municipal Board, yn shna noh ha ka jaka ba don 20,000 Sqft pyrshah ka BSNL Quater.

U la ong ruh ba ka sorkar ka dang ia kren halor ki katto katne ki jingdonkam ha ka ban shna ia kane ka Hotel, kum ka jaka jong ka Municipal Board, ka don tang 61,000 sqft katba ki donkam haduh 71,000 sqft bad ka sorkar ka dang ialeh ban pynioh sa 10,000 sqft.

U myntri rangbah u la iathuh ruh ba halor ka jingbym lah ban siew jong ka Company sha ka sorkar; kane ka Company kaba thymmai kan siew ia kaba dei ban siew bad kan don ka jingpynduna ha kaba ia dei bad ka sut. Ka Company ka ba la soi mynshuwa ka dei ban siew sha ka sorkar T.2.5 klur tyngka.