Lada wanrah ia ki masi na ka jylla Assam, ka dei ban shongdor tang 200 tyngka shi kilo

Shillong: Ha kaba iadei bad ka jingthmu jong ka Sorkar Assam ban wanrah noh da ka aiñ ban iada ia ka jingshoh doh ia ki masi ne ka Cow Protection Bill, na ka liang jong u Bah Ernest Mawrie u ba dei u President jong ka Bharatiya Janata Party(BJP) Meghalaya, u la ong ba kata ka jingkhang ban shoh doh masi jong ka jylla Assam la tikna shai ba kan nym ktah satia ia ka jylla Meghalaya.

Haba kren sha ki lad pathai khubor ha ka 16 tarik u Naitung 2021, u Bah Ernest Mawrie u la ong ba ki masi kiba la wanrah na sha kylleng kylleng ki jylla shapoh ka jylla Meghalaya ki don tang khyndiat eh, hynrei kiba bun ki masi ki dei kiba la shu khaii beaiñ sha Bangladesh.

U Bah Ernest Mawrie u la ong ruh ba lada wanrah ia ki masi na ka jylla Assam sha ka jylla ka jong ngi ka mut mynta ka dor ka doh masi ka dei ban long tang 200 tyngka shi kilo