Ba don kiba ioh COVID-19, yn khang shipor ia ka Byrnihat PHC

Nongpoh: Namar ba la don ki nongtrei hapoh ka Byrnihat PHC, kiba la ioh ia ka jingpang COVID-19, ka District Magistrate, Ri Bhoi District, ka la pyntip paidbah ba katei ka jaka sumar paidbah kan khang treikam naduh ka 16 haduh 21 tarik mynta u bnai.

Namarkata, ka District Magistrate Ri Bhoi, ka la kyntu ia kino kino ki briew kiba la leit sha katei ka jaka sumar hashwa ka 10 tarik, la kyrpad ia ki ba kin shongkhop 10 sngi ha iing, nalorkata kato ruh ba ki dei ban sngapthuh ia ka koit ka khiah kaba ki sngew bad lada ki don kano kano ka jingsngewpher, ki dei ban pyntip sha District Control Room da kaba phun ha u No. 03638232028/1077 lane ha u Health Helpline No. 8797520449.