Phah jingtip ka Supreme Court of India, ia ka sorkar Assam, ba ka tei ia ka ophis ASTC ha ka jaka jong ki Thangkhiew ha Meghalaya

Shillong: Mynta ka sngi, ka Supreme Court of India, ka la pynmih ia ka hukum, pyrshah ia ka sorkar Assam, halor ka jing kurup jongka tuh jongka, ha u pud jong ka Meghalaya, ha kaba ka sorkar Assam, ka la tuh ia ka jaka jong ka kong Newyearly Thangkhiew, kaba na Nongkseh, kaba dei ka trai jong ka jaka kaba ha Them Marwet, Umling Community & Development Block (village code no.277460 at serial number 212 of the list of villages of Ri Bhoi District, Meghalaya), Khanapara, Raid Marwet, Mylliem Syiemship, Ri Bhoi District, Meghalaya. Katei ka dei ka mukotduma kaba la buh hapdeng ka kong Newyearly Thangkhiew Nongkseh v. Union of India & Ors was registered as WP(C) 672/2021, and was listed on 16.7.2021, ha kaba ka jingshong bishar, ka dei ha ka bench jong U Justice Nazeer bad U Justice Murari. Ka Supreme Court, ka la sngap ia ka jing ujor na U Pragyan Pradip Sharma bad U Junior Luwang bad ka Gurnoor Kaur, ha kaba ka la rai ban ai jingthoh halor katei ka mukotduma.

Katei ka dei ka mukotduma, kaba la ia said da U Pragyan Pradip Sharma, ha kaba ula pyni halor ka jing ia kynad kam pud hapdeng ka Assam bad ka Meghalaya bad nangta halor ka jing iadei bad ka 6th Schedule jong ka riti synshar Ri.
Ka kong Thangkhiew, ka la ujor ia ka mukotduma, ha ka article 32 jong ka riti synshar ri, ha kaba la pyni ia ka jing ia kynad kam pud hapdeng ka Assam bad ka Meghalaya bad katei ka jing ia kynad, ka la buh jingeh ia katei ka nong ujor bad ia ka kamai jong ka iing ka sem jongka.

La ujor shuh shuh ruh, halor ka jingtei jong ka Assam State Transport Corporation, ia ka jaka jong ka kong Thangkhiew, ha ka jaka, kaba ka long trai ma ka bad ka ujor ba katei ka dei ka jaka jongka laen kaba la tip kum ka tribal land bad lada ailad ia ia ka Assam, kumta katei ka jaka, kan kylla long ka non-tribal land.

Ka Assam State Transport Corporation, ka la kurup ha u snem 2020, ia ka jaka kaba 30,000 square feet, ban tei iing ha katei ka jaka.
La iakren ruh ha katei ka mukotduma ia ka jingeh kaba mih ia ki 100 tylli ki long iing, kiba shong ha u pud u sam jong ka Meghalaya, kiba la shah ktah na kane ka jing ia kajia kam pud hapdeng ki ar jylla.