Guwahati: Ka sorkar Assam, ka la pynmih ia ka jingkhein, kaba pyni ba ka jingshah tuh jaka jong ka Assam, ka la kot sha ka 69,010.82 hectare, ha kaba ia katei ka jaka, la tuh da ki jylla ba marjan.
Ha ka jubab, ha iing dorbar jong ka Assam, U Atul Bora, myntri ka tnat Border Area Development, u iathuh ia ka Nandita Das, MLA ka seng Congress na Boko, U Bora, u iathuh ba ka Arunachal Pradesh, ka la tuh jaka ha ki bynta jong ka Sonitpur (1.0849), Biswanath (4751.00), Lakhimpur (1975.41), Dhemaji (1055.7479), Dibrugarh (10.00) bad Charaideo (602.0117), kaba long baroh 8395.2545 hectare.
Ka Nagaland, ka la tuh jaka ha Jorhat (18807.72), Sivasagar (23.9039), Golaghat (36294.07) bad Charaideo (270.4357) district, kaba long 55396.1296 hectare.
Ka Meghalaya, ka la tuh jaka ia 3441.8601 hectare ha ka district Goalpara (33.8156), Cachar (602. 0117), Kamrup (802.6823), Salmara South-Mankachar (3.3505) bad West Karbi Anglong (2000.00), nangta ka Mizoram, ka la tuh jaka ia 1777.58 hectare ha ka district Hailakandi (1000.00), Karimganj (377.58) bad Cachar (400.00).
La iathuh ba ka jing iakren, ka dang iaid hapdeng ka Meghalaya bad ka Mizoram, ba kin mih noh na kitei ki jaka, ba ki la shim tuh bad ki don sa ar tylli ki mukotduma, kiba dang iadi ha Supreme Court pyrshah ia ka Nagaland bad ka Arunachal Pradesh, ong U Bora.
Ka jylla assam ka lah ban ai jingkhein ia ki jaka ba shah tuh ha ka jylla meghalaya, .. hato ka meghalaya ka lah mo ban ai jingkhein katno kala shah tuh haka jylla assam ,kum bala la kam na ka por Sha ka por ba ngi shah tuh ha ka jylla assam .