U SOHJEW: Ki jingmyntoi ba phylla haka liang ka koit ka khiah kiba ngi ioh na u sohjew

Kong Linda Kongwang

U sohjew la jutip ba u riewspah da ka jingdon ka Vitamin C, fiber bad kiwei de ki compound kiba ai jingmyntoi shikatdei eh haka liang ka koit ka khiah jong ka mmet.Ka jingpynmlien ban dih iaka umsohjew manla ka sngi khamtam haka por mynstep kadei kaba biangtam naka bynta ban pyntyllun iaka rukom treikam hapoh ka met. Udei ruh uba ai jingmyntoi bad iarap ruh iaka met ban iakhun pyrshah iaki jingpang bad ki infections.

Harum ki katto katne ki jingmyntoi ba phylla ngi ioh naka umsohjew kiba ai jingkoit jingkhiah iaka met.

1. KA UMSOHJEW KA IARAP HALOR KA JINGHIAR KA JINGKHIA :— Ka umsohjew la jutip ba kadei kaba kynsai tam napdeng kiwei ki jingdih kaba lah ban pynhiar ka jingkhia. Ki jingpule ki shem ba ka polyphenol antioxidants kaba don ha une u soh ka iarap halor ka jinglah ban pynduna ia ka jingkhia ka met. Lada phi don jingthmu ban pynduna ne pynhiar ka jingkhia, phi donkam ban dih iaka umsohjew manla ka step da kaba pyndonkam ban khlehlang iaka umsohjew bad ka umsyaid. Kane ka iarap ban khate kloi iaka calories naka met.
2. KA UMSOHJEW KA THYMMEI JONGKA VITAMIN C:— Une u soh u dei u thymmei jong ka vit C bad uba dap da ka jingdon ki antioxidants kiba lah ban ai jingiada ia ki cell na ka jingpur sted ki cell cancer bad ialeh pyrshah ia kine ki free radical ki ba pynthut iaka jingtrei kam ki cell hapoh ka met. Kane ka Vitamin ka long ka wei napdeng ki nutrients kiba kongsan kiba ka met jongngi ka donkam. Kane ka Vitamin ka dei kaba kyntiew ia ka bor met bad iada na shibun ki jait jingpang.

3.IADA NA KI MAW KHYLLAI:— Ka citric acid kaba don ha u sohjew ka lah ban iada na ka jingdon maw ha ki khyllai. Ka citrate kaba la pynlong daka citric acids ka lah ban iarap ha ka ba kyntiew ia ka PH jong ka umpynjhieh bad ka lah ruh ban pynpharia ne pynum iaki maw ha ki khyllai. Ban dih ia ka um sohjew ym tang ba ka pynbun iaka citrate hynrei ka iarap ruh ban sait pynkhuid bad pynmih ia ki maw lyngba ka um pynjhieh. Ban dih shiteng pela ka umsohjew ka lah ban ai jingmyntoi ha ka ba iada na ki maw khyllai .

4. IALEH PYRSHAH NA KA JINGPANG BAMPONG :—Ki free radical ki dei kiwei na ki daw ba ha khmat eh kaba pyntreikam ia ki cell cancer haka met. Kawei ka jingwad bniah ka lap ba ki antioxidants ki ba don ha ki soh citrus kum u sohjew ki lah ban ialeh pyrshah ia kine ki free radical bad pynduna ka jingma ban ngat na ka jingpang bampong. Kumta ban dih ia ka umsohjew ka lah ban iarap ai jingmyntoi ha kaba iada na ka jingpang bampong.
5. PYNDUNA IAKA JINGMA NA KA JINGPANG KLONGSNAM:—-U sohjew u dei uba riewspah ha ka jingdon ka Vitamin C bad ka jingpule ka shem ba lada bam iaki sohjew kiba jur ka Vitamin C ,ka lah ban pynduna na ka jingma ban ngat na ka jingpang klongsnam bad stroke . Kane ka dei namar ka umsohjew ka don ia ka bor ba lah ban sait khuid ia ka snam bad pynbiang ruh ia ka blood cholesterol.

6.KYNTIEW HALOR KA JINGLAH TYLLIAT JINGBAM:—Ka jingthut treikam ka kpoh ka dei kawei na ki jingeh kiba lah ban pynthut ia baroh ki bynta ha ka met. Ha kum kane ka por ka umsohjew ka dei kaba kongsan kaba lah ban ai jingmyntoi halor ka jinglah tylliat bha ki jingbam ha poh ka met . Ka citric acid kaba don ha u sohjew ka dei kaba lah ban pynum ia ki jingbam bad pynbiang ka jingtrei kam bha ka kpoh.

7. IADA NA KA JINGPANG SAHIAW :—-Ka jingdon kyrhai ka Vitamin C ha u sohjew ka ai jingmyntoi bha ia kito ki briew ki ba don allergy. Na ka daw ka jingbun ka Vitamin C ha une u soh ka lah ban iarap ha ka ba ialeh pyrshah ia ki allergy bad sahiaw . U ai jingmyntoi ia kito ki ba ioh baiongkhlieh, dait ka met bad ki kito kiba kloi ban ioh jingpang kiba iadei bad ka jingring bad pynhiar mynsiem.
8. KYNTIEW IA KA KOIT KA KHIAH JONG KA SNIEHDOH:—-Ka um sohjew la ju tip halor ka jingdon ka bor ba lah ban sait pyn khuid ia ka met bad ka sniehdoh .Ka Vitamin C kaba shem ha u sohjew ka lah ban dei kaba biang tam ban pyndonkam na ka bynta ban pynduna ka jingthoh lain bad ringsti ka sniehdoh. Ban tah ia kane ka um jong une u soh ha ka dur khmat ka iada na ka jinglong khleiñ ka sniehdoh bad na ka jingshahthang ha ka sngi.

Khublei.