Shillong: U President ka HSPDP u bah KP Pangniang, myn hynnin ka sngi u la iathuh ba ha ka sngi saitjain ki nongialam jong ka Garo Hills State Movement Committee (GHSMC) bad ki nong ialam ka party HSPDP, ki la iakynduh ha Tura ban ia kren ban sdang biang ia ka Movement halor ka jingdawa jylla la ka jong kata ka ka Garoland bad ka Khasi-Jaintia State.
Ha ba ia kren bad ki lad pathai khubor, u president ka HSPDP u bah KP Pangniang, u la iathuh ba ki nongialam jong ka GHSMC bad ka party HSPDP kin ia treilang da kaba kin thaw ia ka Coordination Committee ban iaid sha khmat ia kane ka jingdawa na ka sorkar pdeng.
u bah Pangniang u la iathuh ba hapoh kane ka Commitee ka HSPDP bad ka GHSMC kin ia treilang nangne sha khmat kin iaid ban pynkynkreh ia kane ka jingdawa da kaba ia treilang bad kin bteng ia kaei kaba ki nongialam kiba la leit noh kila sdang.
U President jong ka party HSPDP u bah KP Pangniang, u la ong ban pynithuh ia ka jaidbynriew Khasi-Jaintia dei na ka kyrteng ka jylla, kane ka jingdawa ban ioh ia ka jylla Khasi-Jaintia State ka long ba ia ka jaidbynriew dei ban ithuh katkum ka kyrteng jong ka jylla.
Kane kan long kum juh ia ka jaidbynriew Garo ba kila dei ban ioh ia ka jylla Garoland ban iathuh ia ka jaidbynriew jong ki da ka kyrteng jong ka jylla, kuma ka long ia kiwei ki jaidbynriew ha ka Ri India la iathuh ia ki da ka kyrteng jong ki jylla, la ai nuksa, Maharashtra na ka bynta jong ki Marathi, Nagaland na ka bynta ki jaidbynriew Naga.
La ong ba ka jingleit sha Tura ka long ban ia kynduh ia ki nongialam jong ka GNC bad kumjuh ia ki nongialam ka GHSMC bad ka jingiakren ka long ba kin ia treilang ban ialeh ban pynioh ia kane ka jingdawa jylla da ka jingiasngewthuh jingmut bad ha ka jingiakynduh ka jong ki ha Tura kila rai ban thaw ia ka Coordination Committee ban iaid sha khmat ha kane ka jingdawa jylla Khasi- Jaintia State bad kum juh ia ka Garoland.
Kane ka jingdawa ban ioh ia la ka jong ka jylla kan long hapoh jong ka Riti Synshar jong ka Ri India, kane ka jingiakynduh ka long ban bteng biang ia ka jingiatreilang ia kaei kaba la ialam da ki nongialam kiba mynshuwa u bah Hopingstone Lyngdoh bad u Clifford R Marak kiba la bam kwai ha dwar u blei kiba la ia treilang ban ia dawa ban ioh ka jylla da ka kyrteng jong ka jaidbynriew.
Ka dei bha kane ka jingmut, tangba dei ban ia tylli shwa ban ia khun bad ka Assam kaba ka la kyntur pud man ka sngi lem kumta long leh noh ei. Tang katne shwa, hynrei dang bun ban ia phylliew jingmut, hynrei kaba eh ka kut tang ha shwa ka election.