AI TIKA! AI TIKA! AI TIKA! AI TIKA!

Ha kawei ka sien katba nga dang peit khubor napoh Youtube Channel nga iohi katto katne ki
briew kiba kren kop kren sarong ban nym ai Tika (Injek) Covid-19 da leilei ruh. Haba peit ia kine ki briew
la lah ban sngewthuh ba badon ki nong pynshit ia kine ki briew, don kiba ong ba kadei tang ka kam leh
Business jongno re jongno, ynleh Business kumno haba ia ka Dawai Tika ne (Injekshon) la shu ioh ei na
ka Sorkar pdeng bad la sam ei ia ka Dawai daka Sorkar Jylla sha ki paidbah khlem kano kano ka jingsiew.

Ki ong ruh ba lada ka Sorkar kan shim ia ka jing kit khlieh na ka bynta ki khun ki kti lada jia eiei. Ka jing
kylli hangne ka long hato haba ngi pang ngi shitom bad leit sha ki Hospital hato ngi ju ong ia ka Hospital
la kan kit khlieh ne em lada jia eiei ia kita ki nong pang?, hato ngi ju kylli ruh na ki Doktor ki Dawai aiu ki
ai na bynta jong ki la kita ki dawai ki long ki ba dang bha ne kiba la kut ka tarik ne ngi shu ngeit beit katba
ki Doktor ki ai? Ban ong hi ba ka Sorkar kan shim ia ka jing kit khlieh te kam don jingmut eiei ruh, kumta
lada kita ki bym treh ki pyrkhat lem na ka bynta ki khun ki kti kiba ha iing ha sem ki marjan mar pa kan
bha iaki ba kin leit ban shim Tika katba ka por ka dang biang, ba lada ka por ka la dier kan long pynban ka
jing eh lada mano mano la hap ban rah sha ki Hospital ba lehse ka jing lut ruh kan long kaba heh bha,
mano ban shim ia ka jing kit khlieh ban siew lada ka jing siew kan palat ia ka bor ka jing lah, kynmaw ba
ki nong pynshit kin shu jah laka jah bad iap kiba dang iap.

“KUMTA LA KYRPAD IA KI BA BUN BALANG KI BYM PAT IOH TIKA (INJEKSHON) BA KIN KIT KHIA BAN
LEIT KATBA DANG BIANG KA POR“.

“Wat kyntait ia ki jing batai ki RIEWSTAD hynrei wat nym pdiang ia ki jing batai ki RIEW SAID STAD”
Khublei shibun
A.Shabong