Shillong: Myn hynnin ka sngi, ka seng FKJGP War Jaintia Circle ka la leit ia kynduh ia u Asst Executive Engineer ka Meecl ha ophis trei kam jong u ha Amlarem.
Kane ka jing leit iakynduh jong ka seng ia une ophisar ka long hadien ba ki paid nongsiew bill light hapoh ka thain ki la iohi ba ka jingkiew kynsan ka bill light kaba long arshah na ka T.231 sha ka T.463 ha ka shi bnai.
Kane ka jingkiew jong ka bill light ka la pynlyngngoh bad pynbitar ia ka Seng bad ki paidbah jong ka thain namar ka tnad Meecl kam pyrkhat ia ki paitbah khamtam ha kum kane ka por khangdam ba kim lah hi ruh ban kamai kajih, kan wan rah jingeh ia ki paid bah nongshong shnong lada shu kiew kulmar ka bill thang light, bad shuh shuh ka seng ka pynpaw ka jingsngewkhia kaba jur halor kane ka jingleh thurmur, bad leh torti da kaba pynkiew ia ka bill na ka T.180 ha ka shi bnai sha ka T.7638 hadien ar bnai.
Halor kane, hadien baka seng kala ioh ban ia kren bad une u heh ophisar ka MeEcl ba dei peit iaka Amlarem sub Divisional, u la ong ba un shimkhia mardor ban peit bad leh ia kaba donkam.
Shuh shuh ka seng ka ong lada kane ka kam kam sei soh, ka seng kan iai budien bad kan nym shong klikti katba ka ym pat lah ban weng ia kane ka jingeh ki paitbah ka thain.
Phi don ban ong eiei?