Mynsaw 4ngut ba bthei lyer shet

Shillong,14 Iaiong:
Saw ngut ki briew ki la mynsaw hadien ba kawei ka kali ba kit ia ki tyndong lyer shet ka Liquefied Petroleum Gas (LPG) ka la bthei kynsan namar ba ka lait lyer, la ong ka khubor na ki pulit.
Kane ka jingjia ka jia mynta ka step Hat majai ha Tura ha West Garo hills district.
 ”Saw ngut ki briew ki la mynsaw na kane ka jingjia ha kaba ka kali kaba kit ia kine ki tyng dong lyer shet ki la lait lyer ki la bthei syndet,” la ong ki pulit.
Katkum ka jingia thuh ki pulit, ki la ong ba kane ka kali kaba kit ia kine ki tyndong lyer shet ka dang mut ban iaid sha Danakgre ban leit sam ia ki tyndong lyer. Hamar ba la jan poi sha civil hospital, ka tyndong lyer ka la bthei, la ong shuh shuh ki pulit.
Ia kine ki saw ngut kiba mynsaw la pynkit sha civil hospital na bynta ban ai ia ka jingsumar. Ki pulit ki dang pynlong ia ka jingtohkit halor kane ka jingjia.