Leit kdup U Harry Kane, ia ka tnga ba ieid jongu, ba ka iam pait dohnud, ba rem ka England

Ka England, ka la shah rem, hynrei ka jingshah rem jongka, kam shym la pyn sngewsih tang ia ki nongialehkai, hynrei ia ki tnga jongki ruh, ka la pyndiaw mynsiem shi katdei.

Ka khubor, ba la pynmih da ka The Sun, kaba na London, ka pyni, ba ka kurim jong U Harry Kane, ka Kate, ka da iam pait dohnud dohnam, haba ka kynhun jong u tnga ba ieid jongka, kam shym la ioh rah satia, ia ka nam lahduh ha ka jing ialehkai mynta ka step bad katei ka la pynlong ia U Harry, ba un leit mar mar sha ka jaka shong jongka, ban leit kdup shipor, ba kan kham tngen mynsiem.

U Harry Kane, 27, ula ioh ban thep ia ka kol, ha ka jingshut penalty, hynrei ki paralok jongki, kiba kynthup ia U Marcus Rashford, Jadon Sancho bad U Bukayo Saka, kim shym la ioh thep satia.

Ka Kate, ka da jaw ummat shisha, na ka rynsan peit kai jongka, haba ka England, ka la shah rem.

Shwa ka jing ialehkai, ka Kate, ka la pyni paidbah ia ka shithi, ba ka thoh sha u tnga ba ieid jongka, ban pynpaw, ba haduh katno ka sngew sarong, haba u tnga jongka, un ioh ban ialam ia ka England, ha ka jing ialehkai phainal.