Ka Jaidbynriew ba duna paid

AIS SUJA

Ka jaidbynriew ba duna paid dei ka jaid bynriew jong ngi kaba la tip kyllum kum ka jaidbynriew khasi ba kynthup lang ia baroh – khynriam u pnar u bhoi u war: u dei u paid khasi baiar.

Halor kane ka bynta, ngam lah ban klet ia uwei u Rangbah u bymdon shuh hangne ha pyrthei kata I (late) H.S Shylla. Une u rangbah u la long shisha uta uba ieit ia ka jaidbynriew khasi naduh kadohnud, dei ma I ba ju pynshlur ia ka jaidbynriew jongngi ba ka bha ban ioh shibun ki khun ki ksiew namar ba ka jaid bynriew ka long shisha kaba dang duna paid haba ia nujor (compare) bad kiwei pat ki jaidbynriew hapoh ka Ri India.

Te katkum ka jingheh sawdong jongka Ri Khasi Jaintia kaba 1500 sqkm tam na ka 22340 sqkm, ta kamut baka jaidbynriew khasi ka dang duna briew bha ki ba shong ba sah mynta hapoh ka Ri, kata dang don tang 3 lak 82 hajar tam kaba mut tang u khun khasi. Kaba pyni ba ngi long ka jaid bynriew kaba duna paid tam hapoh ka Ri India.

Ka jingdon briew hapoh ka Ri India pat ka long 139 klur 41 lak ngut tam hynrei lada peit ia ka jingbun briew ha kiwei pat ki State baheh ka Ri India kala dei shisha ia ka sorkar India ban pynmih ka ain pynduna khun ne ban kha tang 2 ne 3 ngut. Hynrei ban ia kren ia kane ka juh ka ain pynduna khun ha ka Rilum khasi jongngi te kata ka dang long ka bymlah long namar ka jaid bynriew jongngi kadang duna paidbah bha bad ki dang bun ki jaka ba lait ban pyndap briew ha kylleng u pud u sam jong ka Ri khasi.

Lada peit ia ka jingbun briew ha pyrthei baroh te ka labun shisha ka jingdon briew kumba 787 klur 83 lak 85 hajar ngut ha ka pyrthei. Hangne ngi iohi ba u Blei u la pyndep iaka ktien ba u la kren naduh ba sdang ba u la kyrkhu ia u briew da kaba ong –“To da nangkha, bad to da nangroi, bad to da pyndap ia ka khyndew, bad to da pyndem ngon ia ka.” God bless them and God said unto them – Be fruitful, and multiply, and replenish the Earth, and subdue it”. Genesis 1:28 Shisha ka pyrthei ka la roi haduh katne kumba ka long mynta. Hynrei haba peit ha ka jaidbynriew khasi jong ngi, U Blei u dang donkam ban pynbun paid iaka. Te ban pynduna da ka ain jong ka Ri India te ka la ktah shisha ia ka jaidbynriew khasi. Namar haba u Blei u kren ban kha ban roi, u Blei u da tiplypa hi kumno ban bsa ban pyndap ia ki jingdonkam. Lymkumta, suki suki yn pyndap ia kine ki Ri lum khasi da ki nongwei bad dei hangta ka jaidbynriew jong ngi kan sajah na sla pyrthei katba u Blei u dang pynsah ia kane ka Pyrthei.

Da kaba burom ngam klet ruh ia uwei u Rangbah Bah JTL Lamare uba don ia kane ka juh ka jingiohi jngai bad uba sngewkhia ia ka jaidbynriew halor ba ka danglong ka jaidbynriew kaba dei ban dang pynroi ne pynbun paid (population explosion), ha kaba une u rangbah u la bud dien halor ka jingbun ne jingduna u paid khasi khara. Te halor kane ka bynta, kaba donkam eh mynta kalong ban duwai naka bynta ka jaidbynriew khasi baroh kawei ba u Blei un sumar ia ka ba kan ymjah na sla pyrthei, wat la ka long tang ka jaid bynriew kaba shitroh, ngi ngeit ha ka Ktien u Blei kaba ong – “TO DA NANGKHA, TO DA NANG ROI, PYNDAP IAKA KHYNDEW, TO DA PYNDEM NGON IAKA. Genesis 1:28.