Bud ia ki kyndon NGT, ong ia ki trok dewiong

Shillong, 13 Iaiong:
U Commissioner ka tnad ka kit ka bah ( Transport ) Meghalaya, Shil long u la pyntip sha baroh ki nongkhaii dewiong ba ki dei ban bud beit bud ryntih, ia ka hukum jong ka National Green Tribunal, ha kaba iadei bad kam shalan dewiong hapoh bad shabar ka jylla.
U la pyntip ruh ba baroh ki trok kit dewiong ki dei ban rung beit lyngba ki jaka thew dewiong kiba la ithuh da ka NGT bad kaba la pynbna da ka sorkar jylla bad ki dei beit thik ban kit tang hapoh ka 9 MT bad yn ym shah ban kit palat ia kata. U Commissioner ka tnad Transport u la pyntip ruh ba lada lap ia ki trok kiba kit palat pud, kaba lah ban wanrah ia ka jingdheng kali, ki trai trok kin shim ia ka jingkitkhlieh kaba kin shah dain kuna ryngkat kiwei pat ki jingshah pynshitom.