Nongpoh: Ka District Magistrate, Ri Bhoi District, ka la pynbna paidbah ba ka shnong Umtrew, ka la hap ha ka thup Containment Zone, ka ban treikam naduh 8 haduh 13 tarik mynta u Bnai, nalorkata la pyntip paidbah ruh ba ki la don 16 tylli ki Longiing ha ka shnong Pahamsohthri, ki la shah pynhap ha ka thup Micro Containment Zone, kata naduh 8 haduh 18 tarik mynta u bnai.
Ha shnong Umtrew, la lap ba ki la don haduh 33 ngut ki briew kiba la shah ktah ha ka khlam COVID-19 bad ha Pahamsohthri la lap ba ha kitei ki 16 iing la don kiba la shah ktah.
Namarkata, ka District Magistrate ka la maham ia ki briew ba kim bit ban rung ban mih ha kitei ki shnong, kiba la shah pynhap ha ka thup Containment Zone bad lada lap ba don kiba leh pyrshah, kin sa shah pynshitom katkum ki kyndon Ain.
Phi don ban ong eiei?