Shillong: Ka Khasi Student Union South Central East Circle, mynta ka step ha ka por kumba 1:45 baje eiei ka la ioh ban kem ia kawei ka trok ka ba don ia u number kali ML 10 B 8420, kaba kit ia ki masi ba thmu ban shalan sha Ri Bangladesh.
Ia kane ka trok la ioh kem da ki dkhot ka KSU ba la ialam u samla Ksanborlang Thabah, ha kane ka jingioh kem la shem ba ki briew ki ba don hapoh kane ka trok ki la shu phet khlem da ioh ban ia kren ei ei, ha kaba ka ne ka jingphet jong ki ka pawshai ba kine ki briew ki dei ki ba donkti ha ki kam beain.
La shem ruh ba kane ka trok kam shem la don kano kano ka kot ba ioh jingbit ba kan iaid khamtam ha ka por ba don ka jingpynjari curfew ha ka jylla.
Ka seng hadien ba ka lah kem ia kane ka trok lah aiti noh mar mar sha ka tnad pulit jong ka Pynursla Police Station ba kan leh ia kaba donkam.
Shuh shuh ka seng ka buh ka jingmaham tyngeh ia kiwei kiwei ruh kiba don kti ban shalan tuh ia ki masi sha ka Ri Bangladesh khamtam lei lei kum ha kane ka por ba ka jylla hi baroh kawei ka dang don ha ka jingshong syier na ka jingsaphriang jong une u khniang jingpang covid 19.
Ka kyrwoh ka kyrpad ruh ia ki bor ba dei khmih ba kin shim khia ia la ka jong ka kamram khnang ban lah ban teh lakam ia kum kine ki kam kiba ktah ia ka jylla hi baroh kawei bad ka kyrpad ruh ia ki bor shnong bor thaw ba kin ia treilang khnang ban lah ban pynduh jait ia kum kine ki jait kam.
ka dur ka pyni ba ki dei ki muit, kim dei ki masi.
sngewbha da pynthikna seh shuwa ban print.