Khlad noh u aktor barim ka bollywood, U Dilip Kumar

U Dilip Kumar, uba dei u aktor ba khraw jong ka bollywood, ula khlad noh mynta ka step, ha ka rta kaba 98 snem bad ula iehnoh shadien ia ka kurim jongu, ka Saira Banu. U Dilip, ula khlad noh ha ka por 7.30 mynta mynstep.

U Dilip Kumar, u khlad ha ka jingshah sumar ha ka Hinduja Hospital, ha Mumbai, ha kaba ula leit shah sumar naduh ka taiew ba ladep, namar ba u shitom ban ring bad pynhiar mynsiem.

U Dilip, ula sdang ia ka kam ak phlim, lyngba ka phlim Jwar Bhata’ ha u snem 1944, bad hadien kata, ula iai bteng ban ak phlim, haduh 50 snem kynthih bad ki phlim, kiba pawnam jongu, ki long ‘Mughal-e-Azam’, ‘Naya Daur’ bad ‘Ram Aur Shyam’. Ula ak ruh ia ka phlim ‘Qila’ ha u snem 1998.