Ujor ejahar ki pulit, ia uba pynmih youtube ban ialam bakla ia ka dawai iada covid

Shillong: Ki pulit jong ka East Khasi hills, ki la ujor ejahar pyrshah ia uwei u briew, uba pynmih ia ka video ha ka YouTube, da kaba ai jingtip, kaba bakla, halor ka dawai iada Covid-19. Katei ka ejahar, la shim, katba kum ka hukum jong ka High Court ka Meghalaya, kaba 23.06.2021, ha kaba la shim, katba kum ka Section 54 jong ka Disaster Management Act. 2005 and the Epidemic Diseases Act 1897.

Ki pulit ki la shimti ban tohkit halor katei ka jingjia bad ka jing tian bishar, ka dang iaid pyrshah ia utei uba la shah kynnoh. La mana ruh ia ki paidbah, ba kin nym pynmih paidbah, ia kum kitei ki video, kiba ialam bakla ia ki paidbah.