Sngewlem ka Congress Jylla

Shillong, 10 Iaiong:
Ka seng Congress ha ka jylla ka Meghalaya Pradesh Congress Committee, mynta ka sng ka la pynlong ia ka jingialang ba kyrpang ban kynmaw burom bad ban phah ia ki jingsngewlem sha ki bahaing jong u president ba nyngkong eh ka MPCc u bah J.E Tariang uba la khlad noh ha ka 9 tarik mynta u bnai.
La pyniaid ia katei ka jingialang kynmaw burom da u Vice Presidenr ka seng Congress u bah A.H Scott Lyngdoh uba la pynpaw ba ka jingkhlad noh utei u rangbah ka dei ka jingduh nong kaba khraw ia ka seng Congress.
U bah J.E Tariang u dei u President ba nyng kong eh jong ka seng Congress ha kane ka jylla bad u la long teng ruh u MP ka Rajya Sabha shi samoi, La kynmaw ia ki kam kiba utei u rangbah u la noh synniang khamtam eh ban wahrah ia ka Congress Bhavan kaba ieng mynta.
Ka kong Roshan Warjri, ka myntri tnad pohing ka sorkar jylla ka la pynkynmaw ia ki kam kiba u bah Tariang u la noh synniang sha kane ka jylla , bad ka la pynpaw ka jingsngewlem sha kibahaing hasem, ba ka jingduh noh ia utei u rangbah ka dei ka jingduh nong kaba khraw.