Kiew biang ka Ribhoi, ha ka jingdon kiba ioh pang corona ha ka jylla

Shillong: Kiba ioh pang corona mynta ka sngi, ki don 377ngut bad kiba jem na ka jingpang, ki long 448ngut bad kiba iap pat ki don 9ngut.

Kiba ioh pang ha ka jylla, ki la poi mynta sha ka 51,901 ngut bad kiba dang don ha ka jingpang, ki long 4,354 ngut bad baroh kiba iap, ki la poi sha ka 871ngut.

Ka Ribhoi ka kiew biang mynta ka sngi, ha kaba ki don 134 ngut kiba ioh pang thymmai, katba ka East Khasi hills, ka wan ba ar, da ka jingdon 128ngut kiba ioh pang.