Shillong: Ha ka 27 tarik u bnai Jylliew 2021, ka Hynniewtrep Youth Council(HYC) War Jaiñtia Circle ka la ong ba ki la don ki suba nong Bangladesh, kiba la prong tuh bad kyndang ia kawei ka dukan kyiad kaba don ha ka shnong Darrang, Amlarem Sub Division.
Haba pyntip ia kane, u Bah Ricky Mukhim u ba dei u Publicity Secretary jong ka seng HYC ha katei ka thaiñ u la ong ba kane ka jingwan rung tuh bad lute jong kine ki suba nong Bangladesh ka la buh ia ki paid nongshong shnong hapdeng ka jingma bad ka jingsyier mynsiem. Ka seng ka la kyntu ruh ia u MLA jong ka thaiñ, u Bah Lahkmen Rymbui ba un leh eiei halor kane da kaba pynbiang ia ki bor pahara khnang ba kan nym don kano kano ka jingjia kaba sngewsih bad ba kine ki suba nong Bangladesh kin nym ioh lad shuh ban ioh rung bad leh katba ki mon.
Phi don ban ong eiei?