Phet rieh ki suba nongpyniap briew na Wapungskur

Jowai, 10 Iaiong:
Ki 4 ngut kiba la shah suba donkti ban pyniap ia uwei u briew ki la jahrngai na la ka shnong jong ki naduh u Rymphang 2015. Kitei ki suba donkti ki dei kiba la tip kyrteng kum u Tubala Siangshai bad u para trai jong u, u Ten Siangshai, u Nebalson Ryngkhlem bad u Rilang Ryngkhlem baroh ki dei  na ka shnong Wapungskur, East Jaintia Hills District.
La kynnoh ba kitei ki saw ngut ki la pyniap ia u Medirius Siangshai (28 snem) uba dei na Shnong Pamra bad hadien ba la pyniap ia u ki la leit bret ia u ha kawei ka jaka kaba don ha lynti na Kyn donsoo (Wapungskur) sha shnong Iongkaluh.
Ha shwa kane, utei u mederius u la jah na iing naduh ka 11 tarik u bnai Nyngkong bad ki pulit ki la lap ia ka metiap jong u ha ka 21 tarik u Rym phang. Namar bym shym don ba la wan kam ia ka metiap, na ka liang ki pulit Ladrymbai ki la tep noh hi ia ka met jong u bad hadien kumba 2 taiew ba la dep tep ki pulit, ki ba haiing ki la wan ban kam ia katei ka metiap ha kaba la sei biang ia ka. Dei hadien ba la ioh sei ia ka metiap, kitei ki 4 ngut kiba suba donkti ki la jahrngai noh na shnong bad haduh mynta ki pulit kim pat ioh kem satia ia ki.
Na ka liang ki pulit ki la kyntu ia ki paidbah nongshong shnong ba kin pyntip sha ki pulit lada ki iohi ia kitei ki suba donkti khnang ban ioh tohkit ia ki katkum ka ain.