Halor ka kam ia kajia pud bad ka Assam; lum u myntri poh iing ia ki CEM ka Khasi, Jaintia Hills

Shillong:U Myntri ba dei peit ia ka tnad District Council Affairm u bah Lahkmen Rymbui ha ka sngi thohdiengm u la lum ia ka jingialang hapdeng u Chief Executive Member u bah Titosstarwell Chyne jong ka Khasi Hills Automnomous District Council bad U Ma Thombor Shiwat, CEM ka Jaintia Hill Autonomous District Council, kum shi bynta ban pynkhreh ban ia kynduh ia u Myntri kam pohing ka sorkar pdeng u Amit Shah u ban wan ka jylla ha ka 14 bad 15 tarik mynta u bnai ha Nongbah Shillong.

Haba ia kren bad ki lad pathai khubor u bah Lahkmen, u la iathuh ba kane ka jingpynlong oa ka jingialang kan long kum shi bynta ban pynbiang ia ki kot ki sla na ka bynta ban pynskhem ia u pud u sam, ha ki jaka kiba don hapdeng ka jing iakajia pud bad ka jylla Assam.

U bah Rymbui u la ong “Ban pynbeit noh ia u pid u sam hapdeng ka jylla Assam bad ka jylla Meghalaya ka dei ka jingthrang jong ki paidbah ha ka jylla ha ka ba ki CEM jong ki ar tylli ki District Council ruh ki mynjur ia kanr khang ba kan ym wan rah jingeh ia ki longdien jong ngi.”

U Bah Lahkmen Rymbui, ula iathuh ka jinglum ia kane ka jingialang bad ki CEM ka long shi bynta ban pynkhreh ban iakren lada wan u myntri kam pohiing ka sorkar pdeng mynta u bnai ha ka nongbah Shillong bad ka sorkar ka donkam ia ka jingiatrei lang hapdeng ki District Council bad ki Dorbar shnong. Ula ong ka sorkar kam kwah ban iakren ia ka kam pud bad ka sorkar pdeng da kaba iaid lait ia ki District Council, namar ba,ka sorkar jylla, ki District Council bad ki paidbah baroh ki don ia ka jingthrang ban pynbeit noh ia u pud u sam hapdeng kine ki artylli ki jylla. Ula ong ruh ba lyngba ka jing ia trei lang jong kine ki artylli ki District Council kan pynkhlain ia ki kot ki sla ban pynkshem ia u pud u sam jong ka jylla.

U myntri u la pynpaw ruh ba ka sorkar MDA ka buh ha khmat eh ia ka mat ban pynbeit ia u pud u sam bad ban ai jingiada bad jingshngain ia ki paidbah bad ki paidbah kin sa iohi ia kaei kaba ka sorkar kan leh ha ki taiew ban wan na ka bynta ka jingbit jingbiang jong ki nongshong shnong ha khappud.