Ki briew kiba leit ha M/S Graceland Clinic, ki hap ban shong kyrpang ialade

Shillong: Hadien ba uwei u nongtrei u ba trei hapoh kawei ka Clinic kaba kyrteng ka M/S Graceland Clinic, kaba don ha New Nongstoiñ, u la ioh ia ka jingpang Covid-19, u District Magistrate jong ka West Khasi Hills u la pyntip ba yn hap khang shwa shipor ia katei ka Clinic bad hap ban leh test shwa ia baroh ki briew kiba la leit ha katei ka clinic ha lane shwa ka 23 tarik u bnai Jylliew 2021 bad kitei ki briew kiba leit ha katei ka clinic ki hap ban shong pynkyrpang ialade ha ki iing sah ki jong ki kumba 7 sngi eiei, khnang ban khanglad ia ka jingsaphriang jong katei ka khlam sha kiwei kiwei ki bynta jong ka dong ka shnong baroh kawei.