Namar ba don na ki nongmihkmat (politician) ne kiwei pat ki jaitbynriew jong ka jylla hi ki bym pat tip ne kiba lah klet noh ia ka dur ka dar jong ka Sohra (Cherrapunjee), kine ki long katto katne ki tien phira kiba nga da kyrpad jur ba kin da buh da ka nongmuna kaba skhem (hard copy):
a) Ka Sohra ka dei ka palong (cradle) jong ka kyntien (language), ka lariti, riti bad ka dustur (culture) bad ka thymmei jong ka thoh ka pule (education).
b) Ki riew pawkhmat ne ki nongprat lynti ha ka pule puthi ne ka thoh ka tar ki la mih bun na Sohra.
k) Ka Sohra kum ka jaka shangkai pyrthei (tourist destination) kaba saw dong pyrthei, wat sha duh shilliang sohmyndur ne ri them ri thor ki tip ïa ka bad ka ba ym da donkam ban da pynithuh shuh (introduction), kaba lah ban long ba ïa ka jylla (Meghalaya) kin ymtip ei ei.
d) Ha ka 1829 ka Sohra (Cherrapunjee) ka la dei ka nongbah jong ki kharlieh ha ka shatei lam mihngi (N.E. India).
e) Ka thymmei ka pule puthi ka juk mynta (modern education) ka la la sdang ha u snem 1841 ha Sohra.
g) Ka Shella Bholaganj C&RD Block la seng ha ka 1tarik ïaïong (April), 1959.
ng) Ha u snem 1974 la pynlong ïa ka Sohra kum ka administrative unit bad ha u snem 1982 ka la ïoh ïa ka Sub- Division ba pura (fullfledged).
Kine ki long katno katne ki mat ba shong sbai ba la shon shap ne nishan tang kum ban ïoh ïa maitphang.
Kaei ka ba pynlong ïa ngi ki nong Sohra ban thoh ne pynkynmaw ia kane ka long halor ka jingpynbna ïar da u Myntri Rangbah (Conrad Sangma) ka jylla ha 28tarik Jylliew, 2021 ha ki rynsan pynbna lang (social media platform) bad ki kot khubor halor ka phang, “New Districts in the State ”. Ha ka mat ka baar (2) jong kane ka phang ka ong kumne “Sohra Geographical landscape is not conforming to the consensus”. Lada phi ia dei pei ha ka channel t7 phin peit ba don na uwei u rangbah ba ai ïa ki jingkynthoh (comments), “Sohra Geographical landscape not in consensus??? Oh! Please… I rather feel it’s more of a POLITICAL consensus game”. Te hangne ka thew ba ka jingkren ha ka mat ka baar ba la pynbna da u Myntri Rangbah (Conrad Sangma) ka long ba bym shong nia ne khlem da dok bha pinpabin namar ba kat kum ka jingdawa jong ka kynhun ((forum) ba dawa district thymmai ïa ka Sohra kim kwah hi ban pyniakhleh khaw lang bad ka Pyrursla Sub- Division, namar katta ynnai wan rah ne ïa tai politics ha ka roi ka pa (development) jong ka Sohra hi baroh kawei. Kumba yn shu pynkynmaw ba ka jingdawa district ïa ka Sohra ka dei naduh ka por ba long Myntri Rangbah barim, u Dr. F.A. Khonglam (bam kwai ha ïing u Blei) te hynrei don katto katne na la liang ki nongmihkhmat jong ka Sohra bad Shella ki kynmaw bha ïa kane ka jingdawa bad jingangnud jong u paidbah hynrei ki kham ia kit khia bha tang ynda jan ka election. Hynrei ym lah ban len don na ki nongmihkhmat ruh kiba la ïa kynduh ïa Myntri Rangbah marsien ïohi, ïoh sngew ne ban durïaip bha ka jingpynbna (announcement) na ka shyntur jong u Myntri Rangbah lyngba ki kor jingpynbna. To ngin ia trei ryngkat bad ka Forum kaba dawa district thymmai da kaba kan pan ïa ka kti kamon kadiang jong ki paidbah ha ka ban ym shah da lei lei ba kin shu jler klumar ne khang lad da ka buit sainti jong ka sorkar. Namar ha ba ki mon ki ki lei san snem bad ki shyrtong saw ba shuh shim wai kano kano ka long beit. Haba ïa ka Sohra ki da wad daw katne katne sa ïa peit ba la don ka jingpan district thymmai biang na thaiñ Garo. Imat ki mut ban ong lada ai district ïa ka Sohra ma ki ruh kin pan sha Garo Hills, katta kaba la thikna hynrei dei ban dawa beit ba ka Sohra ka dei hok ban ïoh, wat u Lamphang jong ka jylla, u bah Metbah Lyngdoh (speaker), u la pynbna teng ha 2tarik March, 2021 ba yn kyntiew district ba pura shen ïa ka Sohra bad ka Mairang. Te mynta lei la pynbna syndon ba shuwa ka 15tarik Nailar, 2021 ka Mairang kan long ka district kaba pura, kane ka long kaba sngewtynnat eh hynrei pat kat ïa ka Mairang kaba ïa tyngkhuh bad u pud u sam ba ïa kajia bad ka Assam ruh ka dang ïoh district, hynrei pynban katba ïa ka Sohra pat tyngkhuh tang bad ka Pynursla Sub-Division ruh hana ym lah pynbeit. Peit mo! ïoh dei tang ka kam pyni bor jongno jongno ne ba ïa burom ïa u para dkhot jong ka Party. Ngi ki nong Sohra ruh ngim kwah hi ba ka Pynursla Sub-Division kan don lang bad ka district thymmai jong ka Sohra, ka bha ia ki bad ki neh beit bad ka East Khasi Hills, namar ba ki ïa jan bha bad ka Shyllong ruh.
Sa kane kawei ka long ba ngim dei ban hun tang ha kaba dawa ne pynïoh district thymmai, hynrei wat ia headquarter ruh dei ban don hi ha Sohra, namar kumba long hi mynta ka Sohra ka long kaba la shongpdeng lypa bad bun ki jingbuh jingsat ne ki jingtei ne ophis (infrastructure) ki la don lypa bad kaba sah kan long satang ban maramot.
“Kyntang ïawai ha kaba ia ka Sohra la tei mot da ki ki hajar jon bad ka nam la bna satlak ka pyrthei, hynrei katba ha jylla ne ri lajong pat la khang lad bad ai daw da ki nia bym shong nongrim, shongkun bad shong sbai haei haei ruh em”.
La pynmih kum ka jingkyntu kynpham
Da u S. Dkhar,
Sohra.
Boycott the next elections no one from Sohra should vote.