Ka Dorbarshnong Mynso B, lyngba ki Nongkitkam jongka baroh kam lah khlem da pynpaw ia ka JINGSNGEWNGUH kaba khraw ia kito ki paralok baroh kiba ia don bynta ban iarap ia ki lanot na ka shnong Mynso, kiba ia kynduh ia ka aksiden kali ha Tuber Sohshrieh ha ka miet Saitjain 26/6/2021. Ha kane ka jingjia haduh 6 ngut ki mynsiem ki laduh ei ia la ka jingim bad bun ngut ki la shitom jur, bad haduh mynta ki dangdon hapdeng ka jingshitom jur haki Hospital Jowai bad Shillong.
Ka Dorbar Shnong ka pynpaw ka jingsngewnguh ia ki Paidbah ka thain Tuber bad kumjuh ruh ia ki nongleit nongwan ha u surok NH 06 kiba la iohi ia kane ka jingjia, bad khlem tyngkai ialade ki la Shah shitom ban iarap ia kito kiba dangim ban leit kit iaki sha ki hospital ban ioh jingsumar.
Ka Dorbar shnong ka pynpaw ruh ia ka jingsngewnguh bad ka jingai khublei ia u MLA ka Khliehriat Constituency Shri Kyrmen Shylla bad ia ka ing ka sem jong u ban phah wut wut ia ki Ambulance ban pynkit noh ia kiba shitom jur sha Hospital. Ka jingsngewnguh ka long ruh ia u Shri Coming Ymbon Local MLA uba la kit khia ban iarap ha kiba bun ki liang. Ka jinglakloi kine ki arngut ki MLA ka la iarap shibun ban ioh pyndep kloi ia ki kam bad ban lah ban pynkhuid ia kamet kaba sah jong kito kiba la khlad, mynhynnin hi ka Sngi
ka jingsngewnguh ka long ruh iaki Pulit, ia ki Nurse ki Doctor ka Khliehriat Civil Hospital kiba la trei shitom ban pyndep kloi ia ka Postmortem, bad kumjuh ruh ia ki Nurse bad ki Doctor ka Civil Hospital Jalong, bad ka Woodland WK Hospital kiba la sumar ia kito kiba mynsaw Baroh.
Ka Dorbarshnong Mynso B, na ka bynta ki 4 tylli ki longiing jong kito ki 6 ngut kiba la khlad, bad na ka bynta kito ki longiing jong kito kiba la mynsaw, ka phah ia ka jingkhublei shakito ki Paidbah baroh kiba ai Jingiarap ha kane ka jingjia ba sngewsih iaka Shnong ka thaw, wat lada ngim lah shuh ban jer ia ki Kyrteng jong ki baroh. Ngi Kitbok kitrwiang iaphi baroh ba phin ioh ka met ka bakoit bakhiah kumjuh u Blei un dang kyrkhu iaphi baroh ha ki kam ki jam jong phi.
Shri Arnes Syntem
Secretary
Dorbarshnong Mynso B
Shri Haran Dhar
Chairman
Dorbarshnong Mynso B
Shri RM Khlem
Wahehshnong Mynso B
Phi don ban ong eiei?