Ki ar tylli ki jingshut penalty jong U Cristiano Ronaldo, ki la plie lad ia ka Portugal, ba kan ia khaid pyrshah ia ka France, ha ka jingialehkai European Championship, hynnin ka miet.
U nong ialehkai ka France, U Karim Benzema, ula thep kol ar sien, ha kaba ka kol kaba nyngkong, u ioh thep da ka jingshut penalty, ha ka jing ialehkai kaba ai por jong ka kylla step bad nangta sa kaba ar, u ioh thep ha ka 47 minit, ha shwa ba un pyn ia khaid U Ronaldo.
U Ronaldo, ula ioh thep ia ka kol kaba nyngkong, ha ka minit kaba 31 jong ka jing ialehkai bad hadien kata, ha ka minit kaba 60.
U Pogba, uwei na ki snar ialehkai ka France, ula jan ioh ban thep ia ka kol, ha ka kylla miet, hynrei, u nong ap kol, ka Portugal, U Rui Patricio, ula iada tyngeh ban ioh kynrup ia ka bol.
Ha kawei pat ka jing ialehkai, U Leon Goretzka, ula thep ia ka kol na ka liang ka Germany bad lyngba katei ka kol, ka kol, ka Germany, ka ia khaid mar 2 kol bad ka Hungary, ha ka jing ialehkai hynnin ka miet. Kawei ka kol jong ka Germany, ka dei kaba la ioh thep da U Leon Goretzka, ha ka minit kaba 84, katba ia kawei pat ka kol, la ioh thep da U Kai Havertz, ha ka minit kaba 66.
Na ka liang jong ka Hungary, la ioh thep kol da U Adam Szalai ha ka minit kaba 11 bad nangta sa U Abdras Schafar ha ka minit kaba 68.
Ka Germany, kan ia kynduh pyrshah ia ka England, ha ka Sngi hat majai, ha ka jing ialehkai, ka ban long ha Wembley Stadium.
Phi don ban ong eiei?