U Antenna shipai, ba pyndonkam ki paidbah

Jowai, 5 Iaiong:
Une u tiar ba pyndiat ha kane ka kali (Katkum ka Dur) u dei u ba la tip kum u High Frequency Antenna (VHF- antenna), u dei u tiar uba pyndon kam tang da ki shipai iada ri kynthup ia ki pulit kumjuh da ki pulit ka Meghalaya, hynrei kaba lyngngoh ka long ba ia une u tiar la pyndait be-ain ha ki ba bun tylli ki kali shimet na ka bynta ki FM Radio la ha Maruti Alto, Gypsy ne kino kino ki kali. Ia kane ka sakhi ha East bad West Jaintia Hills bad la ioh jingtip ruh ba wat ha Shillong ruh ki don kiba pyndonkam bakla ia une u tiar
 Ka tyllong khubor kaba thikna bha ka iathuh ba ki riew shimet kim lah ban pyndonkam ia utei u tiar VHF lait noh tang ki pulit kiba bat ia ka kyrdan kaba kham heh ha ki kali jong ki nalor kiwei kiwei ki shipai iada ri.
“Nga lyngngoh kumno ki riew shimet ki pyndait ia kum utei u tiar ha ki kali jong ki bad kaba lyngngoh shuh shuh ka long, nangno ki ioh ia utei u tiar namar ym don balah ban die ha iew?”, la iathuh ka tyllong khubor na ka tnad pulit. Ka thyllong ka pyntikna shuh shuh ba utei u tiar ba pyndait ha katei ka kali ha ka dur um dei u Duplicate hynrei u dei u Orginal.
Ka don ka jingsuba ba ki don ki briew napoh ka tnad Meghalaya Police Radio Operator (MPRO) kiba la die be-ain ia utei u tiar ha kaba ki heh pulit ka jylla ki hap ban tohkit bniah ia kane.