500 ngut, ia shim bynta ki nongshong shnong ha ka program SAGY

Jowai, 3 Iaiong:
Palat 500 ngut ki khynnah skul nalor ki sahep sorkar, ki nong ialam shnong bad ki riew rangbah kynthei bad shynrang ki la ia mih paidbah ban pynkhuid iaka Shnong Shangpoh- Pohshnong bad Shang pund-Misson kaba dei ka Model Village- lane ka shnong kaba la jied kyrpang da u MP na ka bynta ban wanrah ia ka roi ka par kaba kyrpang ha baroh ki liang.
Ka jingpynkhuid ia kitei ki ar tylli ki kyntoit jong ka shnong Shang pung  la pynlong hynnin ka sngi Palei ha kaba la plie da u Parliamentary ka sorkar jylla, u ma Coming Ymbon.
Ia katei ka jingpynkhuid shnong la pynbeit da ka Synjuk ki Rangbah Shnong Shangpung ha ki lai dong kynthup ia ka wah Um-Iurem kaba ker tawiar ia ka shnong Shangpung.
Ka shnong Shangpung kadei ka shnong kaba hap hapoh ka Saansad Adarsh Gram Yojana (SAGY) kaba dei ka skim jong u Prime Minister ka ri India, u Narendra Modi. Kane ka Skim ka dei ka jingiohi jngai jong utei u Myntri Rangbahduh ka Sorkar India na ka bynta ban tei ia ka ri na ki thain Nongkyndong.
“Lada ki MP jong ngi ki ialeh shitom ban pynkylla dur ia ki shnong hapoh ka Constituency jong u/ka kum ki Model Village, shibun bah ki shnong ki thaw ha ri India ki kiew ha ki liang baroh hapoh une u snem 2016 “, kane kadei ka jingkren jong u Narendra Modi haba pyllait paidbah ia ki kyndon treikam jong kane ka Skim ha ka 11 tarik u bnai October, 2014.
Dei halor kane ba u MP jong ka Shillong Parliamentary Seat u la jied ia ka shnong Shangpung kum kawei na ki shnong ha Jaintia Hills ban ioh ia katei ka skim nalor kiwei pat ha rilum Khasi Pnar.
Ha katei ka sngi, ki tnad sorkar kynthup ia ka Water and Soil Conservation Department bad ka PHE Department ki la noh synniang sha ka shnong da 15 tylli ki kali-Thella (Trolley) na ka bynta ban kit nuit bad 20 tylli Signboad  kaba don ia ki jingthoh halo ka jinglehkhuid ha kaba la pynieng ia ki ha ki jaka bapher bapher ha katei ka shnong.
Ki sahep sokar kiba iadonglang ha katei ka sngi ki kynthup ia u MLA, u ma Ymbon, u Additional Deputy Commissione, u bah AD Khasati, u bah LT Tariang uba dei u Officer ba dei peit kyrpang ia katei ka Skim bad uba dei ruh u BDO ka Laskein Block nalor kiwei kiwei.