Pyllait u myntri, 2 ki Van ha Nongstoin

Nongstoin, 3 Lber :
U bah AL Hek myn tri ba dei khmih ia ka tnad ka koit ka khiah (Health Minister & Family Welfare), myn ha ka sngi palei jong ka taiew u la ioh ban pyllait paidbah ia ki ar tylli ki ban kali ai dawai injek Tika khnang ban ai jingshakri ia ki paidbah na ka bynta ban pynpoi ia ka jingai injek ( Vaccine) ha baroh ki bynta ka West Khasi Hills.
Ia katei ki artylli ki kali la pyllait paidbah da u Bah AL Hek kum u kongsan ha ka Health Rally bad Youth Festival ba la pynlong da ka ophis jong u District Medical & Health Officer (DM&HO) ka West Khasi Hills District. U bah AL Hek haba ai jingkren kum u kongsan ha katei ka sngi, u la ong ba ka jingwan jong kane ka scheme ka long halor ka roi ka par da kaba wanrah ia ka Tika Express ban ai ia ka jingai injek ia ki khyllung kiba hapoh ka 2 snem khnang ba ngin long kiba shait ba khlain bad kiba lait na ki jingpang ba bun jait.
Shuh shuh u la ong ruh ba ba lada ngim long kiba shait ba khlain ngim lah ban ai ka jingshakri kaba pura bad ngim lah ban trei hok ia ki kam ki jam kiba ngi dei ban leh.
Ka West Khasi Hills District ka dang long ka District kaba sahdien bad duna ha ka ban ioh ia ka jingai injek Tika sha ki khunlung bad na ka bynta kiwei kiwei de ki jing ai injek kiba donkam, ia katei ka scheme la pyntyllun nyngkong eh ha West Khasi Hills nalor ki ar tylli ki District hapoh ka jylla  kiba la shah jied  ban ioh ia katei ka scheme ba kynthup ia ka South West Khasi Hills bad West Garo Hills.
Kane ka prokram lyngba ka Health department kan wanrah jingmyntoi bad ngi dei ban long ki nongrah khubor sha kiwei pat ba kane dei ka prokram kaban ai jingshakri pura na ka bynta ka koit ka khiah, ym ba ngin tieng ne ngeit biej namar bun na ngi ngi kloi ban sngap tang ia ki khubor hamsaia khlem da wad jingtip ia ka jingshisha bad ngi kyntait ban sngap ia ka khubor ka ba bha la bynrap biang u Kongsan.
Na ka liang jong ka ophis jong u District Medical & Health Officer (DM&HO) ka West Khasi Hills District ka khot bad wer ia ki paidpah kane ka thain ba kin wan shakhmat ban iashim bynta ha ka prokran ka ban sa pynlong biang ha kine ki bnai ki ban dang wan khnang ba ki paidbah jong kane ka thain kin ioh ia ka jingmyntoi ha ka koit ka khiah bad khamtam ia ki khun hep kiba rit.