Mar ia khaid ka England bad ka Scotland, ha ialehkai Euro

Ka England, ka ia khaid pyrshah ia ka Scotland, da kaba ki khlem ia ioh ban thep kol mar kylliang, ha ka jing ialehkai Euro Cup, ha ka Group D, hynnin ka miet sngi thohdieng, kaba la long ha Wembley Stadium, ha England.

Ka jing ialehkai jong ka England, ka khlain bha, hynrei ka Scotland, ka pyneh hi triang, ban ailad ia ka England, ba kan ioh ban pynrung jar bad kumta ka jing ialehkai, ka kut hi kumta, ha kaba kitei baroh ar, ki ia ioh kamai tang mar shi point.

Ha kawei pat ka jing ialehkai jong ka Group D, ka Croatia, ka ia khaid pyrshah ia ka Czech Republic, da mar shi kol, ha ka jing iakhun ha Glasgow.

Ia ka kol, na ka liang jong ka Croatia, la ioh thep da U Ivan Perisic, ha ka minit kaba 47, katba ia ka Czech, la ioh thep da U Patrik Schick, ha ka minit kaba 37, da ka jingshut penalty.