Da ka Consultative Committee, ban iakren halor ka jingkiewdor eh ka bai sumar ha ki jaka riew shimet

Shillong: Mynta ka sngi ka 18 tarik u bnai Jylliew 2021, ka Sorkar Jylla ka la khot jingialang ia baroh ki nongpyniaid jong ki jaka sumar shimet ban iakren halor ka bynta ka jingkiewdor palat ka bill ia ki nongpang Covid-19 kiba la phah sumar ha kitei ki jaka sumar shimet bad hakajuh ka por ki la thung noh da ka Consultative Committee hapdeng ki jaka sumar shimet bad ka Sorkar khnang ban ioh iakren bad pyrkhat na ka bynta ka jingbha bad ka jingbit jingbiang jong ka jingdonkam jong u paidbah.

Ka Sorkar Jylla ka la ai bor ha ki Deputy Commissioner jong ki distict kiba pher ba pher ban rai halor ki jingdonkam ban pynngat containment areas ia kino kino ki shnong kiba ibit ban don kumjuh ia kiwei kiwei ki rai kiba donkam ban rai hapoh ki distrik jong ki.

Haba pyntip ia kine ki jingpyntip, u Bah AL Hek u ba dei u Myntri ka tnad ka koit ka khiah jong ka Sorkar Jylla u la ong ka Sorkar hi ka khlem shim la pynbor satia iano iano ruh ban ia ka dawai tika hynrei la shu kyrpad ia ki paidbah ba kin leit ai ia ka tika bad lada ki briew kim treh ban ai ia ka tika ruh ka long beit ka mon jong ki hi.