Kiew ka jingthep pisa ki nong India, ha Swiss Bank haduh T.20,700klur

Ka jingbuh pisa, da ki nong India lem bad ki kompeni, ha Swiss Bank, ka kiew sha ka T.20,700 klur lane T.2.55 billion Swiss francs ha u snem 2020.

Kane ka dei lyngba ki shnat trei kam kiba don ha India lem bad kiwei ki jaka lum pisa, kiba don ha India. Katei ka pyni, ba ka kiew bha, ka jingthep pisa ha katei ka Bank, wat la ka jingthep pisa, da ki nongbuh pisa, ka la nang hiar, ong ka khubor jong ka Central Bank ka Switzerland, ha ka 17tarik Jylliew 2021.

Katei ka jingkiew jong ka jingbuh pisa, ka dei kaba bun tam, ha ki 13 snem ba ladep, hadien ba ka don ka jinghiar ha kine ki ar snem mynshwa. Ha kaba kut jong u snem 2019, ka jingthep pisa, ka long 899 million Swiss francs, lane T.6,625 klur.