Ym pat ioh sei sa kawei ka met, naba tap khyndew shapoh krem

Jowai: Wat lada ka jingpyrshang ban sei sa ia kawei pat ka met jong u nong bylla dewiong ha Um-yule, Umpleng, East Jaintia Hills myn hynnin ka sngi da ki shipai pyllait im kiba kynthup ia ka kynhun NDRF, SDRF, Fire and Emergency Service ha ryngkat ki shipai duriaw (Indian Navy), hynrei ym la lah satia, namar ba ka met ka la shah tep khyndew ha trai jong katei par dewiong.

Ka khubor na ka bor District ka la iathuh ba mynta sngi ruh, la tan ia ka um napoh katei ka krem dewiong bad ka la hiar mynta ka sngi haduh 20 phut.
Lah ban kynmaw ba hynnin ka sngi la ioh ban sei ia kawei napdeng ki 6 ngut ki nongbylla, kiba la shah tep ha ka um kaba la shlei kynsan, ha katei ka krem dewiong kaba don ha Elaka Sutnga.

Ka jingpyrshang jong ki shipai Indian Navy ban ngam biang shapoh katei krem ban ioh sei ia katei ka met, kaba la iohi kan bteng lashai ka sngi.