Nongpoh: Ki pulit ka Khanapara Police Station, mynta ka sngi ki la leit ban tam ia ka metiap jong uwei u samla,uba la tip kyrteng kum u Prestone Khymdeit (25) snem, kata hadien ba la lap ia u ba u la thiah lyngktar ha kawei ka jaka, kaba hap ha shnong Jorpul Killing ha Ri Bhoi.
La ioh jingtip ba utei u samla, u dei na ki thain Umden, ha kaba u trei bylla ha kawei ka karkhana shna Yummy, kaba don ha 10mer bad sahwai hajan katei ka jaka kaba u trei, hynrei hynne ka step la lap ia ka metiap na katei ka jaka, na katei ka jaka la la lap ia ka metiap, la lap ia ki thyrnia injek drok bad umsoh.
Ia ka metiap jong utei u samla, la lap nyngkong da ki riew paidbah, ha kaba mardor hi ki la leit pyntip sha ki pulit ka Khanapara Police Station, ki pulit ruh ki la leit mar mar sha katei ka jaka, na ka bynta ban leit tam ia katei ka metiap, la lap ba ki don ki dak mong ha ki bynta ka khlieh utei u samla, ia ka met la rah noh sha Civil Hospital Nongpoh, na ka bynta ban pyndep ia ki jingdonkam baroh.
Phi don ban ong eiei?