Jah U Rahul, kum ka liengsuin Malaysia

New Delhi, 1 Iaiong:
U myntri ka sorkar pdeng, U Giriraj Singh la kynthah ia iu Vice President ka Congress u Rahul Gandhi da kaba pynia syriem ia u kum ka liangsuin Malaysia, kaba la jah rngai khlem don ba tip, katei ka jingkren jong u Singh ka dei hadien ba ym shym la ioh syrngiew ia u Rahul Gandhi ha ing Dorbar bah ka Parliament ha ka por ba pass ia ki Bill, “Baroh ki Bill ha ka dorbar mang tyngka la pass lut hynrei ym iohi ia u Rahul, u long kum kato ka liengsuin Malaysia kaba la jah rngai khlem don ba tip” ong u Griraj. U nongialam ka seng Congress u Digvijaka Singh haba kynthoh kylla ia katei ka jingkren u Giriraj u la ong ba u myntri u dei ban hiar na ka shuki jong u da kaba pynih kiba kum kitei ki kyntien.
Shuh shuh u Giriraj u la kynthoh ruh ia ka Sonia Gandhi , President Congress da kaba ong ha kawei ka jingialang ha Hajipur District ha ka jylla Bihar “Lada u Rajiv Gandhi un ia shongkurim bad ka kynthei Nigeria bad ka bym dei ka dohlieh hato ka Congress kan pdiang ia ka kum ka nongialam?” Halor katei ka jingkren u Singh u nongialam ka Communist u Brinda Karat u la ong ba ki dei ki jingkren tohmet khamtam ia ka kynthei briew.