Ki jingrwai bad ki phlim South Korea, ki dei ka jingpang bampong, ong U Kim Jong Un

Ki jingrwai ne ki phlim South Korea, ki la khring jingmut shibun ia ki nongshong shnong ka North Korea, ha kine ki sngi, hynrei, U Kim Jong-un, ula khie bitar lep, halor kane ka jingbang ki paidbah jongu, ia kitei ki jingrwai jingtem bad ki phlim jong ki nong South Korea.

Mynta, U Kim Jong Un, ula pynbna, ban pyn saja tyngeh ia kito kiba mlien, ban peit ia kitei ki K drama, lane ki K pop video.

U Kim, u kam ba kitei ki jingrwai jingtem K Pop, ki dei ka jingpang bam pong kaba jubor tam, ka ban pynjot ia ka North Korea bad katei kan ktah ia ka riam ka beit, ia ka rukom khap shniuh jongki, ka kren ka khana bad ka rukom im jongki ruh.

Ka North Korea, ka la thaw namarkata, ia ka ain kaba thymmai ha U Nohprah ba ladep bad kata ka long ba kito kiba kyrni ia kitei ki jing pyn sngewbha, kiba la shna na South Korea, kin hap ban trei shitom haduh 15 snem, ha ki phatok jong katei ka Ri lane kin lah ban shah siat iap ruh.