Shillong: Ha ka janmiet jong ka 12 tarik U Jylliew, 2021, ka KSU Kynshi Circle, ha ka jingialam U Samla Wankular Samkmie President ka Circle, ka la ioh ban bat noh ia 28 ngut ki mynder hapoh ka shnong Kynshi. Ha ka jingtohkit ka Seng ia kitei ki mynder la lap ba ki wan na UP bad na Silchar, kumta na ka liang ka seng la lap ba ki wan rung beaiñ khlem don wat tang ki kot ki sla kum ka Work Permit ne kino kino ki jingpyn shisha ba ki wan donkam hapoh ka Jylla.
Haba kylli bniah kumno ki lait ban wan shaduh sha Kynshi, ki iathuh ba ym don ba talasi satia bad kumta, ki wan da ka ba suk khlem kano kano ka jingtalasi na ka liang jong ki khyrdop, ba hap hapoh ka jylla Meghalaya.
Haba tohkit bniah shuh shuh ia kine ki mynder, ki iathuh ba ki dei ban leit siang rong ia ka surok sha Rongjeng, ha kaba la shim, da ka company CCL international limited, kat kum ka jing iathuh u Manager katei ka Company U Jay Kishore.
Na ka liang ka KSU ka la aiti ia ki ha ki pulit Mairang ban leh ia kaba donkam katkum ki kyndon ka Aiñ.
Na ka liang ka KSU West Khasi Hills District, ka pynrem jur halor kane ka jing ioh laitlan ki mynder ha ka rung ka mih, ha kaba wat ki trai Shnong ruh ym shah ban leit na kawei ka Shnong sha kawei pat ha kum kane ka por ba khang dam na ka daw u Covid 19, ong u Samla Johnfisher Nongsiang President KSU WKHD.
Phi don ban ong eiei?