“Ba kiewdor ka petrol” Ka sorkar, ka donkam pisa ia ki kam pynroi, ong U Dharmendra

New Delhi: Ka dor jong ka Petrol bad ka diesel, ka la kiew dor palat ha India, ha kine ki sngi bad mynta, ka dor ka la jan poi shi spah tyngka shi liter ha Mumbai bad ha Delhi.

Halor kane ka phang, U Dharmendra Pradhan, myntri ka tnat petrol jong ka sorkar India, u kam ba ka dor jong ka petrol, diesel, ka kham remdor shibun ha ki jylla, ba synshar da ka seng Congress.

“Nga pdiang, ba ka dor jong ka petrol, ka la buh jingeh ia u paidlang ka Ri, ha kine ki sngi, hynrei, ka sorkar, ka la pynlut T.35,000 klur, na ka bynta ban thied dawa iada corona bad ha kaba kum kane ka por, ngi dang thawlad ban ioh kynshew pisa, na bynta ki kam pynroi bapher” ong U Dharmendra Pradhan.

“U Rahul Gandhi, u dei ban jubab, balei ba ka dor jong ka petrol, ka kham remdor ha ki jylla, ba synshar ka seng Congress, kum ha Punjab, Rajasthan, bad Maharashtra. Lada u sngewkhia ia kiba duk, u dei ban bthah ia u myntri rangbah ka Maharashtra, ba un pynhiar khajna, namar ba ka khajna, ka rem bha ha Mumbai” ong U Dharmendra.