4 tarik, ka jingialang kyrsiew ka KSU ha Motphran

Shillong, 30 Lber:
Ka Khasi Student Union kan rakhe ia ka sngi kyrsiew ri, ha ka 4 tarik u iaiong 2015. Ia ka jing ialang ka KSU kan pyn long ha Motphran ha ka por 1 baje nohsngi, haba ia kren bad u Rupang, u General Secretary ka KSU u samla Auguster Jyrwa u la ong ba haduh mynta ym pat shym la pynbeit ia ka jingiaiaid paidbah nangno yn sdang bad shano yn pynkut, hynrei ia ka jaka pynlong jingialang la pynbeit ba yn pynlong ha Motphran ha ka por 1 baje mynsngi. Lah ban kdew ba ia katei ka sngi kyrsiew ri kaba latip kum ka Awakening Day ka KSU ka ju pynlong manla u snem ban kyrsiew thiah ia ka jaitbynriew, kaba long ruh ka sngi ba ka kynmaw burom ia ka sngi ba u Syiem Tirot Sing u pyn bna thma ia ki dohlieh. Lah ruh ban pynkynmaw ha u snem ba la de ka KSU ka la rakhe ia katei ka sngi ha Mawlai, hynrei mynta ka kynti la pynbna ba yn pynlong ia ka jingiaiaid paidbah ha Motphran.