ROME: Ka Italy, ka la jop ia ka Turkey, ha ka jing ialehkai sdang jong ka Euro 2020, da 3-1, ha ryngkat, ka jing synran jong ki nongpeit kai, kiba na katei ka Ri.
Ka Italy, ka ioh lad ha ka sien kaba nyngkong, ha kine ki san snem ba ladep, ban wan phai biang sha ka jing ialehkai Euro Cup. Kham mynshwa, ha u snem 2018, ka la shah kyntait, ban ioh rung sha katei ka jing ialehkai.
La pynlong ia ka jing ialehkai ha Stadio Olimpico, ha kaba ki la don tang shi powa, na ki nongpeit kai, ha katei ka rynsan bad ki kol, ki wan baroh ha ka kylla miet. Ki nongpeit kai, ki don 16hajar ngut hynnin ka miet, ha katei ka rynsan.
Ka jing bakla, ka wan shwa, lyngba ka kol, kaba la kum thep hi, U Merih Demiral jong ka Turkey bad hadien kata, la pynbud sa ki kol jong U Ciro Immobile bad U Lorenzo Insigne, ha ka jing ialehkai jong ka Group A.
Phi don ban ong eiei?